Вохӯрӣ бо муҳоҷирони меҳнатӣ дар корхонаи озуқавории ҶДММ “Ҳаёти ширин”-и шаҳри Нижний Новгород

Санаи 24 октябри соли ҷорӣ, дар доираи сафари корӣ ба шаҳри Нижний Новгород, вохӯрӣ бо муҳоҷирони меҳнатӣ - шаҳрвандони Ҷумҳурии Тоҷикистон, ки дар корхонаи озуқавории ҶДММ “Ҳаёти ширин” (ООО “Сладкая Жизнь”) воқеъ дар шаҳри Нижний Новгород, фаъолият доранд, баргузор гардид.
Қобили қайд аст, ки дар корхонаи озуқавории ҶДММ “Ҳаёти ширин” зиёда аз 400 нафар шаҳрвандони Ҷумҳурии Тоҷикистон кор мекунанд.
Муҳоҷирон қайд намуданд, ки роҳбарияти корхона барои онҳо шароити хуби меҳнат ва зиндагӣ фароҳам овардааст — музди меҳнат сари вақт пардохт мегардад, ҷойи зист муҳайё аст ва муносибати роҳбарият эҳтиромона мебошад.
Ҳамчунин мулоқоти расмӣ бо директори корхона Шитов Дмитрий Александрович баргузор гардид, ки дар он масъалаҳои тавсеаи ҳамкорӣ, ҷалби минбаъдаи шаҳрвандони Тоҷикистон ба ҷойҳои корӣ ва роҳҳои баланд бардоштани тахассуси онҳо муҳокима шуданд.
Шитов Д. А. изҳори сипос намуд ва қайд кард, ки кормандони тоҷик бо меҳнатдӯстӣ, масъулиятшиносӣ ва интизомнокӣ фарқ мекунанд ва саҳми онҳо дар пешрафти истеҳсолот назаррас мебошад.
Ҳамзамон, ба маълумоти шаҳрвандон расонида мешавад, ки дар ҳолати пайдо шудани саволҳо, метавонанд ба Намояндагӣ бо рақамҳои зерин муроҷиат намоянд:
1. Ҳавзаи федералии Марказӣ, ш. Москва: ‪+7 (967) 271-02-02‬, ‪+7 (988) 676-00-00‬, ‪+7 (966) 031-22-22‬, ‪+7 (936) 174-19-92‬, ‪+7 (926) 586-03-00‬ ва шабакаи иҷтимоии “WhatsApp” ‪+7 (999) 912-58-68‬;
2.Ҳавзаи федералии Приволжие, ш. Уфа: ‪+7 (926) 311-52-53‬;
3.Ҳавзаи федералии Шимолу Ғарб, ш. Санкт-Петербург: ‪+7 (977) 963-25-69‬;
4.Ҳавзаи федералии Ҷанубӣ, ш. Краснодар: ‪+7 (901) 344-77-77‬ ;
5.Ҳавзаи федералии Сибир, ш. Новосибирск: ‪+7 (929) 388-54-11‬;
6.Ҳавзаи федералии Шарқи Дур, ш. Хабаровск: ‪+7 (909) 809-55-48‬.
7. Намоянда дар минтақаи Урал, ш. Екатеринбург ‪+7 (999) 341-45-99‬
8. Роҳбари ҷамъият дар минтақаи Шарқи Дур, ш. Хабаровск ‪+7 (909) 809 55 48‬
Почтаи электронии Намояндагӣ:
prmstj@mail.ru